തൃപ്പൂണിത്തുറ ഇരുമ്പനം വെട്ടിക്കാവ് ഭഗവതി ക്ഷേത്രത്തില്‍ ഡിസംബര്‍ 27ന് മണ്ഡല താലപ്പൊലി നടക്കും. രാവിലെ വിശേഷാല്‍ മണ്ഡലപൂജയും മണ്ഡല ദര്‍ശനവും. രാവിലെ പത്മജ രാജന്റെ നേതൃത്വത്തില്‍ ദേവീമാഹാത്മ്യ പാരായണം. 8.30ന് വൃന്ദ സുരേഷും സംഘവും അവതരിപ്പിക്കുന്ന സമ്പൂര്‍ണ അഷ്ടപദി. 10.30 മുതല്‍ 2 വരെ ദേവീ പ്രസാദ ഊട്ട്.

വൈകിട്ട് 5.30 മുതല്‍ ഭജന, വൈകിട്ട് 6 മുതല്‍ നിറമാല, ചുറ്റുവിളക്ക്, ദീപാരാധന. വൈകിട്ട് 7ന് തായമ്പക. വിശേഷാല്‍ കളമെഴുത്തുപാട്ട്. രാത്രി 9ന് താലപ്പൊലി എഴുന്നള്ളിപ്പ്. രാവിലെ 7 മുതല്‍ നടയ്ക്കല്‍ പറ വയ്ക്കാന്‍ സൗകര്യമുണ്ടായിരിക്കുമെന്ന് ക്ഷേത്രം ഭാരവാഹികള്‍ അറിയിച്ചു. മണ്ഡലം 41 ന് മണ്ഡലപൂജ ഭക്തര്‍ക്ക് വഴിപാടായി നടത്താന്‍ സൗകര്യമുണ്ടായിരിക്കുമെന്ന് ക്ഷേത്രം ഭാരവാഹികള്‍ അറിയിച്ചു. ക്ഷേത്രത്തിലെ ഫോണ്‍ നമ്പര്‍ – 8547178755, 9249796100.