വേദസാര വിളയിടമായ തൃപ്പൂണിത്തുറ ഇരുമ്പനം വെട്ടിക്കാവ് ഭഗവതി ക്ഷേത്രത്തില്‍ ഈ വര്‍ഷത്തെ വേദോത്സവം ജനുവരി 28 മുതല്‍ ഫെബ്രുവരി 4 വരെ നടക്കും.  വേദോത്സവം നടക്കുന്ന ഈ ദിവസങ്ങളിലെ ക്ഷേത്രദര്‍ശനം അതിവിശേഷമാണ്.

വേദമന്ത്രങ്ങള്‍ ഉരുക്കഴിക്കുന്ന ലക്ഷാര്‍ച്ചനയുടെ ദൈവീക മുഹൂര്‍ത്തത്തില്‍ ഓരോ ഭക്തര്‍ക്കും തല്‍സമയം പങ്കാളിയാകാം. ദേവീചൈതന്യ പ്രസരിതമായ ലക്ഷാര്‍ച്ചന യജ്ഞസന്നിധിയില്‍ സൂക്താര്‍ച്ചനകളും വഴിപാടുകളും നടത്തുന്നത് ആയുരാരോഗ്യ സൗഖ്യത്തിനും സമ്പല്‍സമൃദ്ധിക്കും അത്യുത്തമമാണ്.

വേദലക്ഷാര്‍ച്ചനയിലെ ഏറ്റവും പ്രധാനപ്പെട്ട വഴിപാടാണ് ബ്രഹ്‌മകലശാഭിഷേകം. വേദലക്ഷാര്‍ച്ചന ചെയ്ത് പൂജിച്ച (തന്ത്രിയുടെ കാര്‍മികത്വത്തില്‍) ബ്രഹ്‌മകലശാഭിഷേകത്തോടെയാണ് ദേവചൈതന്യം വര്‍ധിക്കുന്നത്. അത്യപൂര്‍വമായി നടക്കുന്ന ഈ ചടങ്ങ് ഭക്തര്‍ക്ക് വഴിപാടായി ചെയ്യാവുന്നതാണ്. ഐശ്വര്യവും സമ്പല്‍സമൃദ്ധിയുമാണ് ഈ വഴിപാടിന്റെ ഫലമായി പറയുന്നത്.

ഭഗവാന്റെ ശബ്ദസ്വരൂപമായ വേദം ഒരാവര്‍ത്തി ജപിച്ച് പുഷ്പാഞ്ജലി ചെയ്യുന്നതാണ് വേദമുറ പുഷ്പാഞ്ജലി. അതിനാല്‍ സര്‍വ്വാഭീഷ്ടവും പ്രദാനം ചെയ്യുന്ന കാമധേനുവായ വേദമുറ പുഷ്പാജലി സര്‍വ്വ അഭീഷ്ടസിദ്ധിക്കായി ഈ സമയം ചെയ്യാന്‍ സാധിക്കുന്ന അത്യപൂര്‍വ വഴിപാടാണ്. ക്ഷേത്രത്തിലെ ഫോണ്‍നമ്പര്‍: 85471 78755, 9249796100