(ഒക്ടോബര്‍ 18 മുതല്‍ നവംബര്‍ 16 വരെ)

മേടം (അശ്വതി, ഭരണി, കാർത്തിക 1/4):

ഗുണദോഷ സമ്മിശ്രമായ കാലമാണ്. സാമ്പത്തിക നേട്ടം ഉണ്ടാകുമെങ്കിലും അതിനനുസരിച്ച് അനാവശ്യ ചെലവുകളും വർദ്ധിക്കാൻ സാധ്യതയുണ്ട്. ആരോഗ്യ കാര്യങ്ങളിൽ കൂടുതൽ ശ്രദ്ധിക്കണം. തൊഴിൽ രംഗത്ത് അനുകൂലമായ മാറ്റങ്ങളും സ്ഥാനക്കയറ്റവും പ്രതീക്ഷിക്കാം. കുടുംബത്തിൽ ചെറിയ അഭിപ്രായ വ്യത്യാസങ്ങൾക്ക് സാധ്യതയുണ്ട്.

ഇടവം (കാർത്തിക 3/4, രോഹിണി, മകയിരം 1/2):

കാര്യവിജയവും മാനസിക സന്തോഷവും അനുഭവപ്പെടും. പുതിയ പദ്ധതികൾ ആരംഭിക്കാൻ അനുകൂലമായ സമയമാണ്. തൊഴിൽ രംഗത്ത് അംഗീകാരം ലഭിക്കും. കുടുംബത്തിൽ സമാധാനം നിലനിൽക്കും. വിദ്യാർത്ഥികൾക്ക് പഠനത്തിൽ കൂടുതൽ ശ്രദ്ധ കേന്ദ്രീകരിക്കാനും മികവ് പുലർത്താനും സാധിക്കും.

മിഥുനം (മകയിരം 1/2, തിരുവാതിര, പുണർതം 3/4):

തൊഴിൽ രംഗത്ത് ചില വെല്ലുവിളികളും അലച്ചിലും നേരിടേണ്ടി വന്നേക്കാം. സാമ്പത്തിക ഇടപാടുകളിൽ അതീവ ശ്രദ്ധ ആവശ്യമാണ്. ജാമ്യം നിൽക്കുകയോ പണം കടം നൽകുകയോ ചെയ്യുന്നത് ഒഴിവാക്കുക. എങ്കിലും പ്രതിസന്ധി ഘട്ടങ്ങളിൽ കുടുംബാംഗങ്ങളുടെയും സുഹൃത്തുക്കളുടെയും പൂർണ്ണ പിന്തുണ ലഭിക്കും.

കർക്കടകം (പുണർതം 1/4, പൂയം, ആയില്യം):

വിചാരിച്ച കാര്യങ്ങൾ പലതും വിജയകരമായി നടപ്പിലാക്കാൻ സാധിക്കും. സാമ്പത്തിക ഭദ്രത കൈവരും. പുതിയ സ്ഥാനമാനങ്ങളോ ഉത്തരവാദിത്തങ്ങളോ ലഭിക്കാൻ സാധ്യതയുണ്ട്. കുടുംബത്തിൽ മംഗളകർമ്മങ്ങൾ നടക്കാൻ ഇടയുണ്ട്. ആരോഗ്യനില തൃപ്തികരമായിരിക്കും.

ചിങ്ങം (മകം, പൂരം, ഉത്രം 1/4):

തൊഴിലിൽ പുരോഗതിയും പുതിയ അവസരങ്ങളും ലഭിക്കും. ബിസിനസ്സ് ചെയ്യുന്നവർക്ക് കൂടുതൽ ലാഭം പ്രതീക്ഷിക്കാം. എന്നാൽ ദീർഘദൂര യാത്രാ വേളകളിൽ ശ്രദ്ധിക്കണം. സുഹൃത്തുക്കളുമായി സമയം ചിലവഴിക്കാനും മാനസികമായ സന്തോഷം വർദ്ധിപ്പിക്കാനും സാധിക്കും.

കന്നി (ഉത്രം 3/4, അത്തം, ചിത്തിര 1/2):

വരുമാനത്തേക്കാൾ ചെലവ് വർദ്ധിക്കാൻ സാധ്യതയുള്ളതിനാൽ സാമ്പത്തിക അച്ചടക്കം പാലിക്കുക. മറ്റുള്ളവർക്ക് വാഗ്ദാനങ്ങൾ നൽകുമ്പോൾ പാലിക്കാൻ കഴിയുമോ എന്ന് ഉറപ്പുവരുത്തുക. തൊഴിൽപരമായ കാര്യങ്ങളിൽ സുഹൃത്തുക്കളുടെ സഹായം ലഭിക്കും. ആരോഗ്യ കാര്യങ്ങളിൽ ശ്രദ്ധ വേണം.

തുലാം (ചിത്തിര 1/2, ചോതി, വിശാഖം 3/4):

ആത്മവിശ്വാസം വർദ്ധിക്കുന്ന സമയമാണ്. ഔദ്യോഗിക രംഗത്ത് അപ്രതീക്ഷിത നേട്ടങ്ങൾ ഉണ്ടാകും. സാമ്പത്തിക നില മെച്ചപ്പെടും. വിവാഹാദി മംഗളകർമ്മങ്ങൾക്ക് അനുകൂലമായ സമയമാണ്. കുടുംബത്തിൽ സന്തോഷവും സമാധാനവും ഉണ്ടാകും. പുതിയ വസ്തുവാഹനാദികൾ വാങ്ങാൻ യോഗമുണ്ട്.

വൃശ്ചികം (വിശാഖം 1/4, അനിഴം, തൃക്കേട്ട):

കാര്യങ്ങൾ വിചാരിച്ച വേഗതയിൽ നടക്കാത്തതിനാൽ മാനസിക സംഘർഷം വർദ്ധിക്കാൻ സാധ്യതയുണ്ട്. പുതിയ സംരംഭങ്ങൾ തുടങ്ങാനോ വലിയ നിക്ഷേപങ്ങൾ നടത്താനോ അനുയോജ്യമായ സമയമല്ല. സാമ്പത്തിക കാര്യങ്ങളിൽ മിതത്വം പാലിക്കുക. വാഹനം ഉപയോഗിക്കുന്നവരും യാത്ര ചെയ്യുന്നവരും കൂടുതൽ ശ്രദ്ധിക്കുക.

ധനു (മൂലം, പൂരാടം, ഉത്രാടം 1/4):

അപ്രതീക്ഷിത ധനലാഭത്തിനും ഭാഗ്യ അനുഭവങ്ങൾക്കും സാധ്യതയുണ്ട്. കർമ്മരംഗത്ത് നിങ്ങളുടെ കഴിവുകൾ അംഗീകരിക്കപ്പെടും. വിദ്യാർത്ഥികൾക്കും ഉദ്യോഗാർത്ഥികൾക്കും അനുകൂല സമയം. വിദേശ ജോലിക്കോ യാത്രയ്ക്കോ ശ്രമിക്കുന്നവർക്ക് തടസ്സങ്ങൾ മാറിവരും

മകരം (ഉത്രാടം 3/4, തിരുവോണം, അവിട്ടം 1/2):

പ്രവർത്തന രംഗത്ത് ചില തടസ്സങ്ങളോ കാലതാമസമോ അനുഭവപ്പെട്ടേക്കാം. കഠിനാധ്വാനത്തിന് അർഹമായ ഫലം ലഭിക്കാൻ അല്പം വൈകും. സാമ്പത്തിക കാര്യങ്ങളിൽ ആസൂത്രണം ആവശ്യമാണ്. ബന്ധുക്കളുമായി അഭിപ്രായ വ്യത്യാസങ്ങൾ ഉണ്ടാകാതെ ശ്രദ്ധിക്കുക.

കുംഭം (അവിട്ടം 1/2, ചതയം, പൂരുരുട്ടാതി 3/4):

തൊഴിലന്വേഷകർക്ക് അനുകൂലമായ മറുപടി ലഭിക്കും. കുടുംബത്തിൽ സന്തോഷവും ഐശ്വര്യവും നിലനിൽക്കും. ദീർഘകാലമായി അലട്ടിയിരുന്ന സാമ്പത്തിക ബാധ്യതകൾ ഒരു പരിധി വരെ കുറയ്ക്കാൻ സാധിക്കും. യാത്രകൾ മുഖേന നേട്ടമുണ്ടാകാനും സജ്ജന സംസർഗത്തിനും യോഗമുണ്ട്.

മീനം (പൂരുരുട്ടാതി 1/4, ഉത്തൃട്ടാതി, രേവതി):

സമ്മിശ്ര ഫലങ്ങൾ നൽകുന്ന മാസമാണ്. ഔദ്യോഗിക കാര്യങ്ങളിൽ പുരോഗതി ഉണ്ടാകുമെങ്കിലും ജോലിഭാരം വർദ്ധിക്കും. അനാവശ്യ തർക്കങ്ങളിൽ നിന്നും വ്യവഹാരങ്ങളിൽ നിന്നും പൂർണ്ണമായും വിട്ടുനിൽക്കുക. ആരോഗ്യ കാര്യങ്ങളിൽ, പ്രത്യേകിച്ചും ഉദര സംബന്ധമായ അസുഖങ്ങളെ സൂക്ഷിക്കുക.