വ്യാഴത്തിന്റെ രാശിമാറ്റം; ജൂണ് 2 മുതല് ഈ നക്ഷത്രക്കാരുടെ ഭാഗ്യകാലം
എല്ലാദിവസവും നക്ഷത്രഫലം നിങ്ങളുടെ മൊബൈല്ഫോണില് ലഭിക്കാന് ഇപ്പോള്തന്നെ ജോയിന് ചെയ്യൂ ജ്യോതിഷവാര്ത്തയുടെ വാട്ട്സാപ്പ് ചാനലില്. ഇവിടെ ക്ലിക്ക് ചെയ്യൂ.
ജ്യോതിഷശാസ്ത്രത്തില് വ്യാഴം അഥവാ ഗുരു ജ്ഞാനത്തിന്റെയും ധര്മ്മത്തിന്റെയും സമൃദ്ധിയുടെയും അനുഗ്രഹത്തിന്റെയും പ്രതീകമായി കണക്കാക്കപ്പെടുന്നു. ഒരു വര്ഷക്കാലം ഒരു രാശിയില് സഞ്ചരിക്കുന്ന ഗുരുവിന്റെ സ്ഥാനമാറ്റം വ്യക്തിജീവിതത്തെയും സാമൂഹിക ജീവിതത്തെയും ഒരുപോലെ സ്വാധീനിക്കുന്നതാണ്.
ജൂണ് 2-ന് ശേഷമുള്ള ഗുരുവിന്റെ കര്ക്കിടക രാശിപ്രവേശം ദോഷ ഫലങ്ങള് കുറഞ്ഞു ഗുണങ്ങള് വര്ധിക്കുന്നതാണ്.
സമീപകാലങ്ങളില് ലോകം സാമ്പത്തിക പ്രതിസന്ധികളും തൊഴില് മേഖലയിലെ അനിശ്ചിതത്വങ്ങളും കുടുംബജീവിതത്തിലെ സമ്മര്ദ്ദങ്ങളും വിദ്യാഭ്യാസരംഗത്തെ വെല്ലുവിളികളും അനുഭവിച്ചുകൊണ്ടിരിക്കുകയാണ്. ഈ സാഹചര്യത്തില് ഗുരുവിന്റെ ഉച്ചരാശിയായ കര്ക്കിടകത്തിലെ പ്രവേശനം പലര്ക്കും ആശ്വാസത്തിന്റെയും പ്രതീക്ഷയുടെയും സന്ദേശമാണ് നല്കുന്നത്.
ഈ വ്യാഴമാറ്റം പ്രധാനമായും മിഥുനം, ചിങ്ങം, കന്നി, വൃശ്ചികം, മകരം, മീനം എന്നീ കൂറുകളില് ജനിച്ചവര്ക്കാണ് ഏറ്റവും ശ്രദ്ധേയമായ അനുകൂല ഫലങ്ങള് നല്കുന്നത്.
മിഥുനക്കൂറില് പെട്ട മകയിരം അവസാന രണ്ടു പാദം, തിരുവാതിര, പുണര്തം ആദ്യ മൂന്നു പാദം എന്നീ നക്ഷത്രക്കാര്ക്ക് ഈ കാലഘട്ടം ഗുണകരമായിരിക്കും. ചിങ്ങക്കൂറുകാര്ക്കും ഈ വ്യാഴമാറ്റം അനുകൂല ഫലങ്ങളാണ് കൊണ്ടുവരുന്നത്. കന്നിക്കൂറിലെ ഉത്രം അവസാന മൂന്നു പാദം, അത്തം, ചിത്ര ആദ്യ രണ്ടു പാദം എന്നീ നക്ഷത്രങ്ങളില് ജനിച്ചവര്ക്കും ഈ സമയം മികച്ചതായിരിക്കും.
വൃശ്ചികക്കൂറ്റുകാരായ വിശാഖം അവസാന പാദം, അനിഴം, തൃക്കേട്ട എന്നീ നക്ഷത്രക്കാര്ക്കും ഈ മാറ്റം വലിയ പുരോഗതി സമ്മാനിക്കും. മകരക്കൂറിലെ ഉത്രാടം അവസാന മൂന്നു പാദം, തിരുവോണം, അവിട്ടം ആദ്യ രണ്ടു പാദം എന്നീ നക്ഷത്രങ്ങളില് ജനിച്ചവര്ക്കും, മീനക്കൂറ്റിലെ പൂരോരുട്ടാതി അവസാന പാദം, ഉത്രട്ടാതി, രേവതി എന്നീ നക്ഷത്രക്കാര്ക്കും ഈ വ്യാഴമാറ്റം വഴി തികച്ചും അനുകൂലമായ അനുഭവങ്ങള് പ്രതീക്ഷിക്കാവുന്നതാണ്.
ഏറെക്കാലമായി മുടങ്ങിക്കിടന്ന കാര്യങ്ങള് മുന്നോട്ടുപോകുകയും പുതിയ അവസരങ്ങള് ജീവിതത്തില് തെളിയുകയും ചെയ്യാം.
വിദ്യാഭ്യാസരംഗത്ത് ഗുരുവിന്റെ അനുഗ്രഹം ഏറ്റവും വ്യക്തമായി പ്രകടമാകുന്ന കാലഘട്ടമാണിത്. പഠനത്തില് ഏകാഗ്രത വര്ധിക്കുക, മത്സരപരീക്ഷകളില് മികച്ച പ്രകടനം കാഴ്ചവയ്ക്കുക, ഉയര്ന്ന പഠനത്തിനും വിദേശപഠനത്തിനുമുള്ള അവസരങ്ങള് ലഭിക്കുക തുടങ്ങിയ സാധ്യതകള് വര്ധിക്കും. ഗവേഷകര്, അധ്യാപകര്, ശാസ്ത്രജ്ഞര്, സാങ്കേതികവിദ്യാ വിദഗ്ധര് എന്നിവര്ക്ക് അംഗീകാരവും പുതിയ നേട്ടങ്ങളും കൈവരിക്കാനാവാം. പ്രത്യേകിച്ച് അക, ഡാറ്റാ സയന്സ്, മെഡിക്കല് ഗവേഷണം, ഫിനാന്സ്, ഇലക്ട്രോണിക്സ് തുടങ്ങിയ മേഖലകള് കൂടുതല് വളര്ച്ച കൈവരിക്കുന്ന സാഹചര്യം ഉണ്ടാകാം.
തൊഴില് മേഖലയിലും ഗുണകരമായ മാറ്റങ്ങള് പ്രതീക്ഷിക്കാം. പുതിയ ജോലി, സ്ഥാനക്കയറ്റം, വരുമാന വര്ധന, വിദേശ തൊഴിലവസരങ്ങള്, സര്ക്കാര് മേഖലകളിലെ അനുകൂല തീരുമാനങ്ങള് എന്നിവ ലഭിക്കാം. ഏറെ നാളായി ശ്രമിച്ചിട്ടും ഫലം ലഭിക്കാതിരുന്നവര്ക്ക് ഈ കാലയളവില് ലഭിക്കാം
സാമ്പത്തികമായി നോക്കുമ്പോള് കുടുങ്ങിക്കിടന്ന പണം ലഭിക്കുക, പഴയ കടബാധ്യതകളില് ആശ്വാസം ലഭിക്കുക, സ്വത്ത് സംബന്ധമായ കാര്യങ്ങളില് പുരോഗതി ഉണ്ടാകുക തുടങ്ങിയ ഫലങ്ങള് പ്രതീക്ഷിക്കാം. ഭൂമി, വീട്, സ്വര്ണം, ദീര്ഘകാല നിക്ഷേപങ്ങള് എന്നിവയിലേക്ക് ആളുകളുടെ ശ്രദ്ധ കൂടുതല് തിരിയാന് സാധ്യതയുണ്ട്. അതേസമയം കുടുംബ ആവശ്യങ്ങള്ക്കും വിദ്യാഭ്യാസത്തിനും ഭവന നവീകരണത്തിനുമായി ചെലവുകള് വര്ധിക്കാനും സാധ്യതയുണ്ട്. എന്നാല് അവ ഭാവിയിലേക്കുള്ള നിക്ഷേപങ്ങളായി മാറാന് ഇടയുണ്ട്.
കലാരംഗവും ഈ വ്യാഴമാറ്റത്തിന്റെ ഗുണഫലങ്ങളില് കൂടും. സംഗീതം, നാടകം, സിനിമ, കഥാരചന, ചിത്രരചന, ഫോട്ടോഗ്രഫി, ഡിജിറ്റല് മീഡിയ, സോഷ്യല് മീഡിയ ക്രിയേഷന് തുടങ്ങിയ മേഖലകളില് പ്രവര്ത്തിക്കുന്നവര്ക്ക് പുതിയ അംഗീകാരവും ജനപ്രീതിയും ലഭിക്കാം. വികാരങ്ങളെയും കുടുംബബന്ധങ്ങളെയും ആത്മീയതയെയും ആസ്പദമാക്കിയ സൃഷ്ടികള് കൂടുതല് ശ്രദ്ധ നേടുന്ന കാലഘട്ടമായിരിക്കും.
വ്യവസായ മേഖലയിലും നല്ല ചലനങ്ങള് പ്രതീക്ഷിക്കപ്പെടുന്നു. ഭക്ഷ്യവ്യവസായം, ഹോട്ടല്, കാറ്ററിംഗ്, വിദ്യാഭ്യാസ സ്ഥാപനങ്ങള്, കോച്ചിംഗ് സെന്ററുകള്, റിയല് എസ്റ്റേറ്റ്, കണ്സ്ട്രക്ഷന്, ആരോഗ്യസംരക്ഷണം, ആയുര്വേദം, യോഗ, കൗണ്സിലിംഗ്, ഡിജിറ്റല് മാര്ക്കറ്റിംഗ് തുടങ്ങിയ മേഖലകള്ക്ക് വളര്ച്ചയുടെ സൂചനകള് കാണാം. വിദേശബന്ധങ്ങള് മെച്ചപ്പെടുകയും പുതിയ ക്ലയന്റുകളെയും പങ്കാളികളെയും കണ്ടെത്താന് അവസരങ്ങള് ലഭിക്കുകയും ചെയ്യാം.
കുടുംബജീവിതത്തില് ഗുരുവിന്റെ അനുഗ്രഹം സമാധാനത്തിന്റെയും ഐക്യത്തിന്റെയും രൂപത്തില് പ്രകടമാകാം. പഴയ അഭിപ്രായവ്യത്യാസങ്ങള് കുറഞ്ഞുവരിക, വിവാഹയോഗങ്ങള് ശക്തമാകുക, സന്താനസൗഭാഗ്യത്തിനുള്ള സാധ്യത വര്ധിക്കുക, കുടുംബമായി ഭാവിപദ്ധതികള് ആസൂത്രണം ചെയ്യുക എന്നിവയ്ക്ക് അനുകൂല സാഹചര്യം രൂപപ്പെടാം. ആത്മീയതയിലേക്കുള്ള താല്പര്യവും ക്ഷേത്രദര്ശനം, മന്ത്രജപം, ഗുരുപൂജ തുടങ്ങിയവയിലേക്കുള്ള അടുപ്പവും വര്ധിച്ചേക്കാം.
വ്യാഴമാറ്റം ചില കൂറുകാര്ക്ക് ജീവിതത്തിലെ ചില മേഖലകളില് കൂടുതല് ജാഗ്രത പുലര്ത്തേണ്ട സാഹചര്യങ്ങള് ഉണ്ടാക്കുന്നുണ്ട്. മേടക്കൂറ് (അശ്വതി, ഭരണി, കാര്ത്തിക ആദ്യ പാദം), ഇടവക്കൂറ് (കാര്ത്തിക അവസാന മൂന്ന് പാദം, രോഹിണി, മകീരം ആദ്യ രണ്ട് പാദം), ചിങ്ങക്കൂറ് (മകം, പൂരം, ഉത്രം ആദ്യ പാദം), ധനുക്കൂറ് (മൂലം, പൂരാടം, ഉത്രാടം ആദ്യ പാദം), കുംഭക്കൂറ് (അവിട്ടം അവസാന രണ്ട് പാദം, ചതയം, പൂരോരുട്ടാതി ആദ്യ മൂന്ന് പാദം) എന്നീ കൂറുകളിലും നക്ഷത്രങ്ങളിലും ജനിച്ചവരാണ് ഈ കാലയളവില് പ്രധാനമായും ശ്രദ്ധിക്കേണ്ടത്.
ഈ കൂറുകാര്ക്ക് കുടുംബച്ചെലവുകള് വര്ധിക്കുക, സ്വത്ത് സംബന്ധമായ കാര്യങ്ങളില് തീരുമാനങ്ങള് വൈകുക, ജോലിസ്ഥലത്ത് മാനസിക സമ്മര്ദ്ദങ്ങള് കൂടുക എന്നിവയ്ക്ക് സാധ്യതയുണ്ട്. കൂടാതെ പങ്കാളിത്ത ബിസിനസുകളില് തെറ്റിദ്ധാരണകള് ഉണ്ടാകാനും, ചെറിയ രീതിയിലുള്ള ആരോഗ്യപരമായ അസ്വസ്ഥതകള് അനുഭവപ്പെടാനും ഈ സമയം കാരണമായേക്കാം.
അതുകൊണ്ട് തന്നെ, ധനപരമായ നിക്ഷേപ തീരുമാനങ്ങളില് വലിയ വിവേകം പുലര്ത്തേണ്ടതുണ്ട്. അമിത ആത്മവിശ്വാസം ഒഴിവാക്കുകയും പ്രധാനപ്പെട്ട ഔദ്യോഗിക രേഖകളും കരാറുകളും സൂക്ഷ്മമായി പരിശോധിക്കുകയും വേണം. കരിയറിലും ബിസിനസിലും പഴയ അനുഭവങ്ങളെ മാത്രം ആശ്രയിക്കാതെ, പുതിയ കഴിവുകള് നേടിയെടുക്കാന് ശ്രമിക്കേണ്ട കാലമാണിത്. പുതിയ പഠനങ്ങളും സര്ട്ടിഫിക്കേഷനുകളും സ്വീകരിക്കുന്നവര്ക്ക് ഭാവിയില് കൂടുതല് നേട്ടങ്ങള് സ്വന്തമാക്കാന് സാധിക്കും.
എങ്കിലും, മൊത്തത്തില് വിലയിരുത്തുമ്പോള് ജൂണ് 2-ന് ശേഷമുള്ള വ്യാഴമാറ്റം വലിയ പ്രതീക്ഷകളുടെയും പുരോഗതിയുടെയും പുതിയ വാതിലുകളാണ് തുറന്നുതരുന്നത്. വിദ്യാഭ്യാസം, തൊഴില്, ധനം, കല, ആത്മീയത, കുടുംബജീവിതം തുടങ്ങി അനേകം മേഖലകളില് ഈ കാലയളവ് പുതിയ ഊര്ജ്ജവും ആത്മവിശ്വാസവും പകരും. പലര്ക്കും ഇത് ജീവിതത്തിലെ ഒരു സുപ്രധാന വഴിത്തിരിവായി മാറാനും സാധ്യതയുണ്ട്. ചുരുക്കത്തില്, ഗുരുവിന്റെ കൃപയും സ്വന്തം കഠിനാധ്വാനവും ഒത്തുചേരുമ്പോള് നേട്ടങ്ങളുടെ പുതിയൊരു അധ്യായം തന്നെ ഈ വ്യാഴമാറ്റത്തിലൂടെ ആരംഭിക്കുമെന്നാണ് ജ്യോതിഷം വ്യക്തമാക്കുന്നത്.
തയാറാക്കിയത് : ജോല്സ്യന് തെങ്കര സുബ്രഹ്മണ്യ ന്.
(ഫോണ്: 73066 45694.
