ശബരിമല  മണ്ഡലകാലത്തെ പ്രധാന ദിവസങ്ങളിൽ ഒന്നായ ഇന്ന് ശബരിമലയിൽ തിരക്ക് വർധിക്കാൻ സാധ്യതയുണ്ട്. വെർച്വൽ ക്യൂ ബുക്കിങ് 70,000 ആണ് രേഖപ്പെടുത്തിയിരിക്കുന്നത്. ദർശനത്തിനായി എത്തുന്ന ഭക്തർക്കായി സന്നിധാനത്തും പമ്പയിലും വിരിവയ്ക്കാനുള്ള വിപുലമായ സൗകര്യങ്ങൾ ഒരുക്കിയിട്ടുണ്ട്.

ക്ഷേത്രത്തിലെ ഇന്നത്തെ പ്രധാന ചടങ്ങുകൾ: (2025 നവംബര്‍ 17, വൃശ്ചികം 1)

തീർഥാടകർ ശ്രദ്ധിക്കേണ്ട കാര്യങ്ങൾ:

വിരിവെക്കാനുള്ള സൗകര്യം: ദർശനത്തിനെത്തുന്ന ഭക്തർക്ക് പമ്പാതീരത്ത് രണ്ടിടത്തും സന്നിധാനത്തെ നടപ്പന്തലിലും വിരിവെക്കാൻ വിപുലമായ സൗകര്യങ്ങൾ ഒരുക്കിയിട്ടുണ്ട്.

പുൽപായ ലഭ്യത: ദർശനം കഴിഞ്ഞെത്തുന്ന ഭക്തർക്ക് നടപ്പന്തലിൽ വിശ്രമിക്കാൻ പുൽപായകൾ നൽകും. 20 രൂപയ്ക്ക് നൽകുന്ന പുൽപായ തിരികെ നൽകുമ്പോൾ 10 രൂപ മടക്കി നൽകുന്ന സംവിധാനമാണുള്ളത്.

കാലാവസ്ഥാ മുന്നറിയിപ്പ്:

നിലയ്ക്കൽ, പമ്പ, സന്നിധാനം എന്നിവിടങ്ങളിൽ ഇന്ന് ശക്തമായ മഴയ്ക്കും ഇടിമിന്നലിനും സാധ്യതയുണ്ട്. ഭക്തർ ആവശ്യമായ മുൻകരുതലുകൾ എടുക്കണമെന്ന് അധികൃതർ അറിയിച്ചു.