കുംഭത്തിലെ ആയില്യം മാര്ച്ച് 2ന്, സര്പ്പദോഷങ്ങള് അകലാന് ചെയ്യേണ്ടത്
സര്പ്പദോഷങ്ങളകലാന് സര്പ്പബലിക്കും കലശാഭിഷേകത്തിനും ശേഷം പൂര്ണ്ണ ചൈതന്യവാനായിരിക്കുന്ന ഇടവെട്ടിയിലെ നാഗരാജാവിന് കുംഭത്തിലെ ആയില്യം നാളില് (മാര്ച്ച് 2ന്) സര്പ്പദോഷങ്ങളകലാന് സര്പ്പപൂജ, നൂറും പാലും എന്നീ വഴിപാടുകള് നടത്തുന്നത് ഉത്തമമാണ്. നമ്മുടെ പൂര്വ്വികര് അറിഞ്ഞോ അറിയാതെയോ സര്പ്പക്കാവുകള് നശിപ്പിക്കുകയോ മറ്റോ ചെയ്തിട്ടുണ്ടെങ്കില് അതിന്റെ ദുരിതങ്ങള് നമുക്കും നമ്മുടെ തലമുറകളിലേക്കും പടരും എന്നാണ് വിശ്വാസം.
സല് സന്താന ലബ്ധിക്കും, സന്തതികളുടെ ഉയര്ച്ചയ്ക്കും, സര്പ്പ ദുരിതങ്ങള് അകലാനും നാഗരാജാവിനെ പ്രീതിപ്പെടുത്തുകയാണ് പരിഹാരമാര്ഗ്ഗം. തൊടുപുഴ ഇടവെട്ടി ശ്രീകൃഷ്ണസ്വാമി ക്ഷേത്രത്തില് ബുധനാഴ്ച നടക്കുന്ന ആയില്യം പൂജയ്ക്ക് ഓണ്ലൈനായി ബുക്ക് ചെയ്യാനുള്ള സൗകര്യം ഒരുക്കിയിട്ടുണ്ടെന്ന് ക്ഷേത്രം ഭാരവാഹികള് അറിയിച്ചു. ഓണ്ലൈനായി വഴിപാട് ബുക്ക് ചെയ്യാന് ആഗ്രഹിക്കുന്നവര്ക്ക് 9495960102 എന്ന നമ്പറിലേക്ക് വാട്സ്ആപ്പ് മെസ്സേജ് നല്കാവുന്നതാണ്.
