യുഗങ്ങള്‍ എത്ര കഴിഞ്ഞാലും മങ്ങാത്ത ശ്രീരാമപ്രഭാവത്തെ സ്മരിച്ചുകൊണ്ട്, വ്രതശുദ്ധിയോടെയും രാമനാമ ജപങ്ങളോടെയും നാളെ (മാര്‍ച്ച് 25) നാമമവമി ആഘോഷിക്കുന്നു. മഹാവിഷ്ണുവിന്റെ ഏഴാമത്തെ അവതാരമായി അയോധ്യയില്‍ ഭഗവാന്‍ ഭൂജാതനായ ഈ സുദിനം, കോടിക്കണക്കിന് ഭക്തരുടെ ഹൃദയങ്ങളില്‍ അതിരറ്റ ഭക്തിയും ആനന്ദവും നിറയ്ക്കുന്നു.

ചൈത്ര മാസത്തിലെ ശുക്ലപക്ഷത്തിലെ നവമി തിഥിയിലാണ് ഈ ഉത്സവം വരുന്നത്. രാമനവമിയുടെ കൃത്യമായ തീയതിയെക്കുറിച്ച് പലര്‍ക്കും പലപ്പോഴും ആശയക്കുഴപ്പമുണ്ടാകാറുണ്ട്.

ഈ വര്‍ഷം, 2026 മാര്‍ച്ച് 26-നാണ് രാമനവമി ആഘോഷിക്കുന്നത്. രാമനവമി പ്രധാനമായും മധ്യാഹ്ന മുഹൂര്‍ത്തത്തിലാണ് ആഘോഷിക്കുന്നത് എന്നതുകൊണ്ടാണ് മാര്‍ച്ച് 26-ന് തന്നെ ഈ പുണ്യദിനം ആചരിക്കുന്നത്.

2026-ലെ രാമനവമി മുഹൂര്‍ത്തവും സമയക്രമവും:

നവമി തിഥി ആരംഭിക്കുന്നത്: 2026 മാര്‍ച്ച് 26, രാവിലെ 11:48 ന്
നവമി തിഥി അവസാനിക്കുന്നത്: 2026 മാര്‍ച്ച് 27, രാവിലെ 10:06 ന്
രാമനവമി മധ്യാഹ്ന മുഹൂര്‍ത്തം: 2026 മാര്‍ച്ച് 26, രാവിലെ 11:13 മുതല്‍ ഉച്ചയ്ക്ക് 01:41 വരെ
രാമനവമി മധ്യാഹ്ന സമയം: 2026 മാര്‍ച്ച് 26, ഉച്ചയ്ക്ക് 12:27 ന്

രാമനവമി 2026: പ്രാധാന്യം

ശുക്ല പ്രതിപദയുടെ ആദ്യ ദിനത്തില്‍ ആരംഭിക്കുന്ന ചൈത്ര നവരാത്രി രാമനവമിയോടെയാണ് അവസാനിക്കുന്നത്. അയോധ്യയില്‍ ദശരഥ മഹാരാജാവിന്റെയും കൗസല്യയുടെയും മൂത്ത പുത്രനായി ശ്രീരാമന്‍ ജനിച്ചതിന്റെ ഓര്‍മ്മപ്പെടുത്തലായാണ് ഈ ദിവസം ആഘോഷിക്കുന്നത്. രാജ്യത്തുടനീളം വലിയ ആവേശത്തോടെയും ഭക്തിയോടെയുമാണ് ഭക്തര്‍ ഈ ദിനം കൊണ്ടാടുന്നത്. ധാര്‍മ്മികത, സത്യം, നീതി എന്നിവയെ പ്രതിനിധീകരിക്കുന്ന ഉത്തമനായ ഒരു വ്യക്തി എന്ന നിലയില്‍ അദ്ദേഹം ‘മര്യാദാ പുരുഷോത്തമന്‍’ എന്നും അറിയപ്പെടുന്നു. ത്രേതായുഗത്തില്‍ അവതരിച്ച മഹാവിഷ്ണുവിന്റെ ഏഴാമത്തെ അവതാരമായാണ് ശ്രീരാമനെ വിശ്വസിക്കുന്നത്.

രാമനവമി 2026: പൂജാവിധികള്‍

ഈ പുണ്യദിനത്തില്‍ അതിരാവിലെ എഴുന്നേറ്റ് കുളിച്ച് ശുദ്ധിയാകണം.
ശ്രീരാമക്ഷേത്രദര്‍ശനം നടത്തുന്നത് ഉത്തമമാണ്.
വീടുകളിലും ക്ഷേത്രങ്ങളിലും രാമായണം വായിക്കുന്നത് ഉത്തമമാണ്.
അന്നദാനം നടത്തുന്നത് ഉത്തമമാണ്.

ഇന്ന് ജപിക്കേണ്ടത്

ഓം രാമായ രാമഭദ്രായ രാമചന്ദ്രായ വേധസേ
രഘുനാഥായ നാഥായ സീതായ പതയേ നമഃ