കുറിച്ചിത്താനം: ദക്ഷിണ ഗുരുവായൂർ എന്നറിയപ്പെടുന്ന കുറിച്ചിത്താനം പൂത്തൃക്കോവിൽ ക്ഷേത്രത്തിലെ 2026-ലെ ഏകാദശി മഹോത്സവത്തോടനുബന്ധിച്ചുള്ള തിരുത്സവ നോട്ടീസ് പ്രകാശനം ചെയ്തു. വ്യാഴാഴ്ച രാവിലെ 8:30-ന് ക്ഷേത്രസന്നിധിയിൽ വെച്ച് നടന്ന ലളിതമായ ചടങ്ങിലാണ് നോട്ടീസ് പ്രകാശനം നിർവ്വഹിക്കപ്പെട്ടത്.

മരങ്ങാട്ടുപിള്ളി ഗ്രാമപഞ്ചായത്ത് മൂന്നാം വാർഡ് മെമ്പർ  മമത ഹരികുമാർ, പന്ത്രണ്ടാം വാർഡ് മെമ്പർ  ആശാ വർമ്മ എന്നിവർ ചേർന്ന് തിരുത്സവ നോട്ടീസിന്റെ പ്രകാശനം നിർവ്വഹിച്ചു. ചടങ്ങിൽ വെച്ച് തിരുത്സവ നോട്ടീസിന്റെ ആദ്യ കോപ്പിയും ആദ്യ സംഭാവനയും കുടക്കച്ചിറ സ്വദേശി  അഭിലാഷ് ആർ. തടത്തിൽ ഏറ്റുവാങ്ങി.

ക്ഷേത്ര ഭാരവാഹികളും നിരവധി ഭക്തജനങ്ങളും പങ്കെടുത്ത ചടങ്ങിൽ വരാനിരിക്കുന്ന ഏകാദശി മഹോത്സവത്തിന്റെ മുന്നൊരുക്കങ്ങളെക്കുറിച്ചും ചർച്ച ചെയ്തു.

വരുന്ന നവംബർ 15 മുതൽ 22 വരെയുള്ള തീയതികളിലാണ് ഈ വർഷത്തെ പൂത്തൃക്കോവിൽ ഏകാദശി മഹോത്സവം ആഘോഷിക്കുന്നത്. ഉത്സവവുമായി ബന്ധപ്പെട്ട കൂടുതൽ വിവരങ്ങൾക്ക് 9497752506, 9400762152, 9846096957 എന്നീ ഫോൺ നമ്പറുകളിൽ ബന്ധപ്പെടാവുന്നതാണ്