നിങ്ങള്‍ ചെയ്യുന്ന കാര്യങ്ങളോ നിങ്ങളുടെ യഥാര്‍ത്ഥ ഉദ്ദേശങ്ങളോ ആരും മനസ്സിലാക്കുന്നില്ല എന്ന് നിങ്ങള്‍ക്ക് എപ്പോഴെങ്കിലും തോന്നിയിട്ടുണ്ടോ? സംഖ്യാശാസ്ത്രം (Numerology) അനുസരിച്ച് ചില പ്രത്യേക തീയതികളില്‍ ജനിച്ചവരെ അവരുടെ ചുറ്റുമുള്ളവര്‍ എളുപ്പത്തില്‍ തെറ്റിദ്ധരിക്കാറുണ്ട്.

എല്ലാ സംഖ്യകള്‍ക്കും അതിന്റേതായ ഗുണങ്ങളും ദോഷങ്ങളുമുണ്ട്. എന്നാല്‍ ചില നമ്പറുകളില്‍ ജനിച്ചവര്‍ പുറമെ കാണുന്നതിനേക്കാള്‍ വളരെ ആഴമേറിയതും, സ്വതന്ത്രവും വൈകാരികവുമായ വ്യക്തിത്വമുള്ളവരായിരിക്കും. അതിനാല്‍ ഈ തീയതികളില്‍ ജനിച്ചവര്‍ക്ക് പലപ്പോഴും അവരുടെ ചിന്തകളെയും പ്രവൃത്തികളെയും കുറിച്ച് മറ്റുള്ളവരോട് വിശദീകരിക്കേണ്ടി വരാറുണ്ട്. അവ ഏതൊക്കെ തീയതികളാണെന്ന് നോക്കാം:

7, 16, 25 തീയതികളില്‍ ജനിച്ചവര്‍ (ഭാഗ്യസംഖ്യ 7 – ആത്മീയചിന്തയുള്ളവര്‍)

ഏതെങ്കിലും മാസത്തില്‍ 7, 16, 25 എന്നീ തീയതികളില്‍ ജനിച്ചവരെയാണ് ഏറ്റവും കൂടുതല്‍ ആളുകള്‍ തെറ്റിദ്ധരിക്കാറുള്ളത്. ഇവര്‍ വളരെ ആഴത്തില്‍ ചിന്തിക്കുന്നവരും, കാര്യങ്ങള്‍ വിശകലനം ചെയ്യുന്നവരും, ആത്മീയതയിലേക്ക് ചായ്വുള്ളവരുമാണ്. അതിനാല്‍ മറ്റുള്ളവര്‍ക്ക് ഇവര്‍ ഉള്‍വലിഞ്ഞു നില്‍ക്കുന്നവരായി തോന്നാം. അര്‍ത്ഥവത്തായ നീണ്ട സംഭാഷണങ്ങള്‍ ഇഷ്ടപ്പെടുന്നവരാണെങ്കിലും, ചിലപ്പോള്‍ ഒറ്റയ്ക്കിരിക്കാന്‍ ആഗ്രഹിക്കുന്നതിനാല്‍ ഇവര്‍ക്ക് അഹങ്കാരമാണെന്നോ അല്ലെങ്കില്‍ രഹസ്യങ്ങള്‍ സൂക്ഷിക്കുന്നവരാണെന്നോ മറ്റുള്ളവര്‍ തെറ്റിദ്ധരിച്ചേക്കാം. തങ്ങളുടെ വികാരങ്ങള്‍ വളരെ സ്വകാര്യമായി സൂക്ഷിക്കാന്‍ ആഗ്രഹിക്കുന്നവരാണ് ഈ നമ്പറുകാര്‍.

1, 10, 19, 28 തീയതികളില്‍ ജനിച്ചവര്‍ (ഭാഗ്യസംഖ്യ 1 – സ്വതന്ത്രര്‍)

ഈ തീയതികളില്‍ ജനിച്ചവര്‍ ലക്ഷ്യബോധവും നേതൃഗുണവും സ്വന്തം വ്യക്തിത്വവും കാത്തുസൂക്ഷിക്കുന്നവരാണ്. ഇവര്‍ക്ക് കാര്യങ്ങളെക്കുറിച്ച് വ്യക്തമായ അഭിപ്രായങ്ങളുണ്ടാകും, അതുപോലെ എല്ലാം തങ്ങളുടെ നിയന്ത്രണത്തിലായിരിക്കാന്‍ ഇവര്‍ ആഗ്രഹിക്കുകയും ചെയ്യും. ഇത് കാരണം ഇവര്‍ സ്വാര്‍ത്ഥരാണെന്നും പിടിവാശിക്കാരാണെന്നും മറ്റുള്ളവര്‍ കരുതിയേക്കാം. മറ്റുള്ളവരുടെ അംഗീകാരത്തിനായി കാത്തുനില്‍ക്കാതെ സ്വന്തമായി തീരുമാനങ്ങള്‍ എടുത്ത് തങ്ങളുടേതായ വഴിയിലൂടെ മുന്നോട്ട് പോകുന്നവരാണ് ഇവര്‍.

2, 11, 20, 29 തീയതികളില്‍ ജനിച്ചവര്‍ (ഭാഗ്യസംഖ്യ 2 – വൈകാരികം)

ഏത് മാസത്തിലായാലും 2, 11, 20, 29 എന്നീ തീയതികളില്‍ ജനിച്ചവര്‍ വൈകാരികമായി വളരെ സെന്‍സിറ്റീവ് ആയവരാണ്. മറ്റുള്ളവരെ പ്രോത്സാഹിപ്പിക്കുന്നവരും സ്‌നേഹിക്കുന്നവരുമാണിവര്‍. എന്നാല്‍ ചിലപ്പോള്‍ ഇവരുടെ ഈ ആഴത്തിലുള്ള വൈകാരികത കാരണം ഇവര്‍ക്ക് പെട്ടെന്ന് തീരുമാനങ്ങള്‍ എടുക്കാന്‍ കഴിയാത്തവരാണെന്ന് മറ്റുള്ളവര്‍ക്ക് തോന്നാം. ഇവരുടെ ഈ ജാഗ്രത ഒരു ബലഹീനതയായി ആളുകള്‍ കണ്ടേക്കാം, പക്ഷേ വാസ്തവത്തില്‍ ഇവര്‍ എല്ലാവരുടെയും വികാരങ്ങളെ പരിഗണിക്കുന്നത് കൊണ്ടാണങ്ങനെ സംഭവിക്കുന്നത്.

8, 17, 26 തീയതികളില്‍ ജനിച്ചവര്‍ (ഭാഗ്യസംഖ്യ 8 – അധികാരമുള്ളവര്‍)

നിങ്ങളുടെ ജനനത്തീയതി 8, 17 അല്ലെങ്കില്‍ 26 ആണെങ്കില്‍, നിങ്ങള്‍ക്ക് മികച്ച അച്ചടക്കവും അധികാരവും ദീര്‍ഘകാല വിജയവും ഉണ്ടാകും. ഇവര്‍ വളരെ ദൃഢനിശ്ചയമുള്ളവരും ഏകാഗ്രതയോടെ കാര്യങ്ങള്‍ ചെയ്യുന്നവരുമാണ്. ഇതുമൂലം ഇവര്‍ ഗൗരവക്കാരാണെന്നും പെട്ടെന്ന് അടുക്കാന്‍ കഴിയാത്തവരാണെന്നും മറ്റുള്ളവര്‍ തെറ്റിദ്ധരിച്ചേക്കാം. എന്നാല്‍ പുറമെ കാണുന്ന ഈ ഗൗരവത്തിനപ്പുറം ഇവര്‍ വളരെ വിശ്വസ്തരായ സുഹൃത്തുക്കളാണെന്ന് സംഖ്യാശാസ്ത്രം വ്യക്തമാക്കുന്നു.

എന്തുകൊണ്ടാണ് ഇവര്‍ തെറ്റിദ്ധരിക്കപ്പെടുന്നത്?

ഒരാളുടെ യഥാര്‍ത്ഥ വ്യക്തിത്വവും അവര്‍ പുറത്തേക്ക് ലോകത്തെ കാണിക്കുന്ന മുഖവും തമ്മില്‍ പൊരുത്തപ്പെടാതെ വരുമ്പോഴാണ് പലപ്പോഴും ഇത്തരം തെറ്റിദ്ധാരണകള്‍ ഉണ്ടാകുന്നത് എന്ന് സംഖ്യാശാസ്ത്രം വ്യക്തമാക്കുന്നു. വികാരങ്ങള്‍ പ്രകടിപ്പിക്കുന്ന രീതിയും, ആശയവിനിമയത്തിലെ വ്യത്യാസങ്ങളുമാണ് ഇതിന് കാരണം.

സംഖ്യാശാസ്ത്രം നിങ്ങളുടെ വിധി മുന്‍കൂട്ടി തീരുമാനിക്കുന്നില്ല, മറിച്ച് നിങ്ങളുടെ വ്യക്തിത്വത്തെക്കുറിച്ചും സ്വഭാവസവിശേഷതകളെക്കുറിച്ചുമുള്ള വ്യക്തമായ ഒരു ഉള്‍ക്കാഴ്ച നല്‍കുകയാണ് ചെയ്യുന്നത്. നിങ്ങളെ മറ്റുള്ളവര്‍ എപ്പോഴും തെറ്റിദ്ധരിക്കുന്നതായി തോന്നുന്നുവെങ്കില്‍, സ്വയം മനസ്സിലാക്കാനും മറ്റുള്ളവരോട് കാര്യങ്ങള്‍ തുറന്നു സംസാരിക്കാനും ശ്രമിക്കാവുന്നതാണ്. കാരണം, ഒരാളെ ആദ്യമായി കാണുമ്പോഴുണ്ടാകുന്ന മതിപ്പ് അവരുടെ പൂര്‍ണ്ണമായ സ്വഭാവമാകണമെന്നില്ല. നിങ്ങളുടെ യഥാര്‍ത്ഥ വ്യക്തിത്വം കാലക്രമേണ മറ്റുള്ളവര്‍ക്ക് ബോധ്യമാകും.