എല്ലാദിവസവും നക്ഷത്രഫലം നിങ്ങളുടെ മൊബൈല്‍ഫോണില്‍ ലഭിക്കാന്‍ ഇപ്പോള്‍തന്നെ ജോയിന്‍ ചെയ്യൂ ജ്യോതിഷവാര്‍ത്തയുടെ വാട്ട്‌സാപ്പ് ചാനലില്‍. ഇവിടെ ക്ലിക്ക് ചെയ്യൂ.

സംഖ്യാശാസ്ത്രപ്രകാരം, ഏത് മാസത്തിലും 5, 14, അല്ലെങ്കില്‍ 23 തീയതികളില്‍ ജനിച്ചവരെ പലപ്പോഴും ‘ജന്മനാ പ്രതിഭകള്‍’ (Born Geniuses) എന്ന് വിളിക്കാറുണ്ട്. ഇവര്‍ വളരെ ബുദ്ധിമാന്മാരാണെന്നും, പെട്ടെന്ന് ചിന്തിക്കാന്‍ കഴിവുള്ളവരാണെന്നും, മറ്റുള്ളവരേക്കാള്‍ മാനസികമായി എപ്പോഴും മുന്നിലാണെന്നും കരുതപ്പെടുന്നു. എന്നാല്‍ ഇവരുടെ ഈ സ്വാഭാവികമായ ബുദ്ധിസാമര്‍ത്ഥ്യത്തിന് സങ്കീര്‍ണ്ണവും അധികമാര്‍ക്കും അറിയാത്തതുമായ ഒരു ഇരുണ്ട വശം കൂടിയുണ്ട്.

ആശയവിനിമയം, ബുദ്ധി, പൊരുത്തപ്പെടാനുള്ള കഴിവ് എന്നിവയെ നിയന്ത്രിക്കുന്ന ബുധനാണ് സംഖ്യാശാസ്ത്രത്തില്‍ 5 എന്ന നമ്പറിനെ സ്വാധീനിക്കുന്നത്. ഈ സ്വാധീനം ഇവര്‍ക്ക് മികച്ച ബുദ്ധിശക്തി നല്‍കുന്നതിനൊപ്പം ചില ബുദ്ധിമുട്ടുകള്‍ സൃഷ്ടിക്കുകയും ചെയ്യുന്നു. ഇത് അവരുടെ വ്യക്തിത്വത്തെയും ജീവിത ഗതിയെയും മാറ്റിമറിക്കാന്‍ കാരണമാകുന്നു. ഇവര്‍ നേരിടുന്ന പ്രധാന വെല്ലുവിളികള്‍ താഴെ പറയുന്നവയാണ്:

ഒരിക്കലും വിശ്രമിക്കാത്ത തലച്ചോറ്: ഈ തീയതികളില്‍ ജനിച്ച ആളുകളുടെ മനസ്സ് എപ്പോഴും തിരക്കിലായിരിക്കും. അവര്‍ യഥാര്‍ത്ഥത്തില്‍ വിശ്രമിക്കാറില്ല; അവരുടെ മനസ്സ് നിരന്തരം പ്രവര്‍ത്തിക്കുകയും ചിന്തിക്കുകയും പ്രവചനങ്ങള്‍ നടത്തുകയും ചെയ്യുന്നതിനാല്‍ ഒരു നിമിഷം മാത്രമേ അവര്‍ ഒരു കാര്യത്തില്‍ ശ്രദ്ധിക്കുകയുള്ളൂ. നിശബ്ദത ഇവര്‍ക്ക് വലിയ അസ്വസ്ഥതയുണ്ടാക്കും. കാലക്രമേണ ഇത് ഇവരെ മാനസികമായി തളര്‍ത്താനും സാധ്യതയുണ്ട്.

പെട്ടെന്ന് ബോറടിക്കുന്ന സ്വഭാവം: എപ്പോഴും പുതിയ എന്തെങ്കിലും ചെയ്തുകൊണ്ടിരിക്കാന്‍ ആഗ്രഹിക്കുന്നതിനാല്‍, സാധാരണ ജീവിതം ഇവര്‍ക്ക് പെട്ടെന്ന് മടുക്കും. എന്താണ് സംഭവിക്കാന്‍ പോകുന്നതെന്ന് മുന്‍കൂട്ടി അറിയുമ്പോള്‍ ഇവര്‍ക്ക് വേഗത്തില്‍ ബോറടിക്കുന്നു. അതിനാല്‍ അവര്‍ എപ്പോഴും പുതിയ കാര്യങ്ങള്‍ ചെയ്യാന്‍ അന്വേഷിച്ചുകൊണ്ടിരിക്കും.

ഒത്തിരി കഴിവുകള്‍, എന്നാല്‍ ശ്രദ്ധക്കുറവ്: മിക്കവാറും സമയങ്ങളില്‍ ഇവര്‍ പല കാര്യങ്ങളിലും കഴിവുള്ളവരായിരിക്കും. എന്നാല്‍ ഇതൊരു പോരായ്മ കൂടിയാണ്. ഒരേസമയം പല കാര്യങ്ങളില്‍ മിടുക്കരാകുമ്പോള്‍, ഒരു കാര്യത്തില്‍ മാത്രം ദീര്‍ഘനേരം ശ്രദ്ധ കേന്ദ്രീകരിക്കാന്‍ ഇവര്‍ക്ക് കഴിഞ്ഞേക്കില്ല. വലിയ ആവേശത്തോടെ പലതും തുടങ്ങുമെങ്കിലും, അത് പൂര്‍ത്തിയാക്കുന്നതിന് മുന്‍പ് തന്നെ അവര്‍ അത് ഉപേക്ഷിച്ചു പോയേക്കാം.

മറ്റുള്ളവര്‍ക്ക് മനസ്സിലാക്കാന്‍ ബുദ്ധിമുട്ട്: ഇവര്‍ വളരെ വേഗത്തില്‍ ചിന്തിക്കുകയും സാധാരണയില്‍ നിന്നും വ്യത്യസ്തമായി കാര്യങ്ങള്‍ ചെയ്യുകയും ചെയ്യുന്നതിനാല്‍ ഇവരെ മനസ്സിലാക്കാന്‍ മറ്റുള്ളവര്‍ക്ക് ബുദ്ധിമുട്ടായിരിക്കും. ഇവരുടെ പ്രവര്‍ത്തികള്‍ പ്രവചനാതീതമായതിനാല്‍ ചില ആളുകള്‍ക്ക് ഇവര്‍ സങ്കീര്‍ണ്ണ സ്വഭാവം ഉള്ളവരായി തോന്നിയേക്കാം. ഇത് മറ്റുള്ളവരുമായി ഇടപഴകുന്നതില്‍ ബുദ്ധിമുട്ട് സൃഷ്ടിക്കുന്നു.

ഏറ്റക്കുറച്ചിലുകള്‍ നിറഞ്ഞ ജീവിതം: ഈ ആളുകളുടെ ജീവിതത്തില്‍ വലിയ സന്തോഷവും അതുപോലെ വലിയ സങ്കടവും ഉണ്ടാകുന്ന സമയങ്ങള്‍ ഉണ്ടാകുമെന്നാണ് സംഖ്യാശാസ്ത്രം പറയുന്നത്. ഇവര്‍ എപ്പോഴും റിസ്‌ക് എടുക്കാന്‍ തയ്യാറുള്ളവരാണ്. ഇത് വളരെ പെട്ടെന്നുള്ള വിജയത്തിലേക്ക് നയിച്ചേക്കാം, എന്നാല്‍ അതേസമയം തന്നെ പെട്ടെന്നുള്ള വലിയ പ്രശ്‌നങ്ങള്‍ക്കും ഇത് കാരണമാകും.

സ്വാതന്ത്ര്യവും അച്ചടക്കവും: ചിട്ടയായ ജീവിതശൈലിയും ദിനചര്യകളും ഇഷ്ടപ്പെടാത്ത ഇവര്‍ക്ക് പലപ്പോഴും ഒരു കാര്യത്തില്‍ ഉറച്ചുനില്‍ക്കാന്‍ ബുദ്ധിമുട്ടായിരിക്കും. അവര്‍ സ്വതന്ത്രരായിരിക്കാന്‍ ഇഷ്ടപ്പെടുന്നു, എന്നാല്‍ കൃത്യമായ ചിട്ടകളില്ലാത്തത് അവരുടെ കഴിവിന്റെ പരമാവധി പുറത്തെടുക്കുന്നതിന് തടസ്സമാകുന്നു.

ഉള്ളിലെ പോരാട്ടം: ബുദ്ധിമാനായിരിക്കുക എന്നത് ഇവരെ സംബന്ധിച്ച് ഒരു ഇരുതലമൂര്‍ച്ചയുള്ള വാളാണ്. കാരണം ഇവര്‍ അമിതമായി ചിന്തിക്കാനും, പെട്ടെന്നുള്ള തോന്നലുകളുടെ അടിസ്ഥാനത്തില്‍ പ്രവര്‍ത്തിക്കാനും, എളുപ്പത്തില്‍ ശ്രദ്ധ നഷ്ടപ്പെടാനും സാധ്യതയുള്ളവരാണ്. വ്യക്തിപരവും തൊഴില്‍പരവുമായ വളര്‍ച്ചയ്ക്ക് ഈ പ്രവണതകള്‍ നിയന്ത്രിക്കേണ്ടത് വളരെ പ്രധാനമാണ്.

വ്യത്യസ്തമായ ജീവിതപാത: 5, 14, അല്ലെങ്കില്‍ 23 തീയതികളില്‍ ജനിച്ച ആളുകള്‍ക്ക് ഭൂരിഭാഗം ആളുകളില്‍ നിന്നും തികച്ചും വ്യത്യസ്തമായ ജീവിതമാണുള്ളത്. ഇവരുടെ ജീവിതയാത്രയില്‍ അവര്‍ പലപ്പോഴും വലിയ മാറ്റങ്ങളിലൂടെ കടന്നുപോകുന്നു. ഒന്നുകില്‍ ഇവര്‍ വലിയ വിജയം നേടാം, അല്ലെങ്കില്‍ കഴിവുകള്‍ ശരിയായി ഉപയോഗിച്ചില്ലെങ്കില്‍ വഴി കണ്ടെത്താന്‍ ബുദ്ധിമുട്ടേണ്ടി വന്നേക്കാം.

മുന്നറിയിപ്പ്: സംഖ്യാശാസ്ത്രം വിശ്വാസങ്ങളെ മാത്രം അടിസ്ഥാനമാക്കിയുള്ളതാണ്, ഇതൊരു പൂര്‍ണ്ണ ശാസ്ത്രീയ സത്യമായി കണക്കാക്കരുത്.