ഓരോ ദിവസത്തെയും ഭാഗ്യ നിറങ്ങള് അറിയാം
ആഴ്ചയിലെ ഓരോ ദിവസവും ഓരോ ഗ്രഹങ്ങളുമായും ദേവതകളുമായും ബന്ധപ്പെട്ടിരിക്കുന്നു. ഓരോ പ്രത്യേക ദിവസങ്ങളിലും അതിന് അനുയോജ്യമായ നിറത്തിലുള്ള വസ്ത്രങ്ങള് ധരിക്കുന്നത് നിങ്ങളുടെ ജീവിതത്തില് പോസിറ്റിവിറ്റിയും സമ്പത്തും സന്തോഷവും കൊണ്ടുവരുമെന്ന് വിശ്വസിക്കപ്പെടുന്നു. ആഴ്ചയിലെ ഓരോ ദിവസത്തെയും പ്രതിനിധീകരിക്കുന്ന നിറങ്ങളെക്കുറിച്ചും അവയുടെ അര്ത്ഥങ്ങളെക്കുറിച്ചും താഴെ നല്കുന്നു:
തിങ്കളാഴ്ച
തിങ്കളാഴ്ച ചന്ദ്രനുമായും പരമശിവനുമായും ബന്ധപ്പെട്ടിരിക്കുന്നു. ഈ ദിവസം ശാന്തത, സന്തുലിതാവസ്ഥ, വികാരങ്ങള്, വിശുദ്ധി എന്നിവയെ പ്രതിനിധീകരിക്കുന്നു. നിങ്ങള് വൈകാരിക പ്രശ്നങ്ങള് നേരിടുന്നുണ്ടെങ്കില് ഈ ദിവസം വെള്ളയോ ഇളം നീലയോ (Sky blue) നിറത്തിലുള്ള വസ്ത്രങ്ങള് ധരിക്കുന്നത് നല്ലതാണ്. ഇത് ജീവിതത്തില് ശാന്തത നല്കാനും മാനസിക സമ്മര്ദ്ദം കുറയ്ക്കാനും സഹായിക്കും.
ചൊവ്വാഴ്ച
ചൊവ്വാഴ്ച ചൊവ്വാ ഗ്രഹവുമായും ഹനുമാന് സ്വാമിയുമായും ബന്ധപ്പെട്ടിരിക്കുന്നു. ജീവിതത്തില് ഊര്ജ്ജക്കുറവോ നിരാശയോ അനുഭവപ്പെടുന്നുണ്ടെങ്കില്, ഈ ദിവസം ചുവപ്പ്, കുങ്കുമ നിറം (Saffron) എന്നിവയിലുള്ള വസ്ത്രങ്ങള് ധരിക്കണം. ഈ നിറങ്ങള് നിങ്ങളില് കരുത്തും ആവേശവും നിറയ്ക്കാന് സഹായിക്കും.
ബുധനാഴ്ച
ബുധനാഴ്ച ഗണപതിക്കും ബുധ ഗ്രഹത്തിനും സമര്പ്പിച്ചിട്ടുള്ള ദിവസമാണ്. ഈ ദിവസം പച്ച നിറത്തിലുള്ള വസ്ത്രങ്ങള് ധരിക്കാന് ശ്രമിക്കുക. ഇത് നിങ്ങളുടെ ആശയവിനിമയ കഴിവ്, ബുദ്ധിശക്തി, വിവേകം എന്നിവ വര്ദ്ധിപ്പിക്കും. പച്ച നിറത്തിലുള്ള വസ്ത്രങ്ങള് പോസിറ്റീവ് എനര്ജി ആകര്ഷിക്കാനും ആശയവിനിമയത്തിലെ തടസ്സങ്ങള് നീക്കാനും സഹായിക്കും.
വ്യാഴാഴ്ച
വ്യാഴാഴ്ച മഹാവിഷ്ണുവിനോടും വ്യാഴ ഗ്രഹത്തോടും ബന്ധപ്പെട്ടിരിക്കുന്നു. നിങ്ങളുടെ ജീവിതത്തില് കൂടുതല് പോസിറ്റിവിറ്റിയും ഭാഗ്യവും ആകര്ഷിക്കാന് നിങ്ങള് ആഗ്രഹിക്കുന്നുവെങ്കില് ഈ മംഗളകരമായ ദിവസത്തില് മഞ്ഞ നിറത്തിലുള്ള വസ്ത്രങ്ങള് ധരിക്കാന് ശ്രമിക്കുക. ഇത് നിങ്ങളുടെ അറിവും ആത്മീയ വളര്ച്ചയും വര്ദ്ധിപ്പിക്കുകയും ചെയ്യും.
വെള്ളിയാഴ്ച
വെള്ളിയാഴ്ച ശുക്ര ഗ്രഹവുമായും ലക്ഷ്മീദേവിയുമായും ബന്ധപ്പെട്ടിരിക്കുന്നു. ജീവിതത്തില് സമ്പത്തും സമൃദ്ധിയും ആകര്ഷിക്കാന് നിങ്ങള് ആഗ്രഹിക്കുന്നുവെങ്കില് നിങ്ങളുടെ വസ്ത്രധാരണത്തില് ശ്രദ്ധ കേന്ദ്രീകരിക്കുക. ഈ ദിവസം പിങ്ക്, വെള്ള എന്നീ നിറങ്ങളിലുള്ള വസ്ത്രങ്ങള് കൂടുതലായി ധരിക്കാന് ശ്രമിക്കുക. ഇത് പണം, സ്നേഹം, സമാധാനം, ഐക്യം, പോസിറ്റിവിറ്റി എന്നിവ ജീവിതത്തിലേക്ക് ആകര്ഷിക്കാന് സഹായിക്കും.
ശനിയാഴ്ച
ശനിയാഴ്ച ശനി ഗ്രഹവുമായി ബന്ധപ്പെട്ടിരിക്കുന്നു. ശനി കര്മ്മം, നീതി, അച്ചടക്കം എന്നിവയെ പ്രതിനിധീകരിക്കുന്നു എന്ന് ഓര്ക്കുക. ശനിദേവനെ പ്രസാദിപ്പിക്കാന് ആഗ്രഹിക്കുന്നവര് കറുപ്പും കടും നീലയും (Navy blue) നിറത്തിലുള്ള വസ്ത്രങ്ങള് ധരിക്കുന്നത് നല്ലതാണ്. ഈ നിറങ്ങള് നിങ്ങളുടെ ആത്മവിശ്വാസം വര്ദ്ധിപ്പിക്കുകയും കാര്യക്ഷമതയോടെ പ്രവര്ത്തിക്കാന് പ്രോത്സാഹിപ്പിക്കുകയും ചെയ്യും.
ഞായറാഴ്ച
ഞായറാഴ്ച സൂര്യനുമായി ബന്ധപ്പെട്ടിരിക്കുന്നു. ഈ പുണ്യദിനത്തില് ഭക്തര് സൂര്യഭഗവാനെ ആരാധിക്കുന്നു. ചുവപ്പ്, ഓറഞ്ച്, സ്വര്ണ്ണ നിറം (Golden) തുടങ്ങിയ തിളക്കമുള്ള നിറങ്ങള് ധരിച്ച് സൂര്യഭഗവാനെ പ്രസാദിപ്പിക്കാന് കഴിയുന്ന ഏറ്റവും ശക്തമായ ദിവസങ്ങളിലൊന്നാണിത്. ഈ നിറങ്ങള് ഊര്ജ്ജം, ആത്മവിശ്വാസം, ഇച്ഛാശക്തി എന്നിവയെ പ്രതിനിധീകരിക്കുകയും നിങ്ങളുടെ ജീവിതത്തില് ഒരു മികച്ച നേതൃത്വപാടവം നേടിയെടുക്കാന് പ്രോത്സാഹിപ്പിക്കുകയും ചെയ്യുന്നു.
കടപ്പാട്: മഹിമ ശര്മ്മ (TOI)
