ഭക്തര്‍ക്ക് സര്‍വ്വമംഗളങ്ങളും ചൊരിയുന്ന ഈശ്വരനാണ് കൈലാസനാഥനായ പരമശിവന്‍. ദുര്‍ശക്തികളില്‍ നിന്നും കൂടോത്രം, ദുര്‍മന്ത്രവാദം തുടങ്ങിയ ആഭിചാര ദോഷങ്ങളില്‍ നിന്നും മുക്തി നേടാന്‍ ഭക്തര്‍ എക്കാലവും അഭയം പ്രാപിക്കുന്നത് സാക്ഷാല്‍ മഹാദേവനെയാണ്. ഹൈന്ദവ വിശ്വാസപ്രകാരം, പ്രപഞ്ചത്തിലെ സകല തിന്മകളെയും സംഹരിക്കുന്ന ത്രിമൂര്‍ത്തികളിലെ രൗദ്രഭാവമാണ് ഭഗവാന്റേത്. ദുര്‍മന്ത്രവാദങ്ങളുടെ കെടുതികളാലും ദോഷബാധകളാലും കഷ്ടതയനുഭവിക്കുന്നവര്‍ക്ക് ആശ്വാസവും ദൈവിക സംരക്ഷണവും നല്‍കുന്ന 6 പ്രധാന ശിവക്ഷേത്രങ്ങളെക്കുറിച്ചറിയാം:

1. ചിദംബരം നടരാജ ക്ഷേത്രം (തമിഴ്നാട്)

ആനന്ദതാന്ധവമാടുന്ന പ്രപഞ്ച നര്‍ത്തകനായ നടരാജമൂര്‍ത്തിയാണ് ഇവിടുത്തെ പ്രധാന പ്രതിഷ്ഠ. ദോഷബാധകള്‍ അകറ്റാനും അജ്ഞാനമാകുന്ന ആത്മീയ അന്ധകാരത്തെ ഇല്ലാതാക്കി ജീവിതത്തില്‍ പ്രകാശം നിറയ്ക്കാനും ചിദംബര ദര്‍ശനം അത്യുത്തമമാണ്.

2. ഏറ്റുമാനൂര്‍ മഹാദേവ ക്ഷേത്രം (കേരളം)

അത്യുഗ്ര ചൈതന്യമുള്ള ശിവപ്രതിഷ്ഠയാണ് ഏറ്റുമാനൂരപ്പന്റേത്. ദുര്‍ശക്തികളുടെ ശല്യത്തില്‍ നിന്നും ആഭിചാരക്രിയകളുടെ ദോഷഫലങ്ങളില്‍ നിന്നും പൂര്‍ണ്ണമായ സംരക്ഷണം ലഭിക്കാന്‍ ഏറ്റുമാനൂരിലെ വലിയവിളക്കും ആസ്ഥാനമണ്ഡപവും തൊഴുതു പ്രാര്‍ത്ഥിക്കുന്നത് ഏറെ ഫലപ്രദമാണെന്ന് ഭക്തര്‍ വിശ്വസിക്കുന്നു.

3. കാല്‍ ഭൈരവ ക്ഷേത്രം, ഉജ്ജയിനി (മധ്യപ്രദേശ്)

മഹാദേവന്റെ സംഹാരരൂപമായ ഭൈരവമൂര്‍ത്തിയാണ് ഇവിടെ കുടികൊള്ളുന്നത്. ഉജ്ജയിനിയിലെ ഈ ക്ഷേത്രത്തില്‍ കുടികൊള്ളുന്ന സംരക്ഷണ ദേവനായ കാല്‍ ഭൈരവനെ പ്രാര്‍ത്ഥിച്ചാല്‍ ഏത് കടുത്ത ദുര്‍മന്ത്രവാദവും ശത്രുദോഷങ്ങളും നിഷ്ഫലമാകുമെന്നാണ് വിശ്വാസം.

4. മഹാകാലേശ്വര ക്ഷേത്രം, ഉജ്ജയിനി (മധ്യപ്രദേശ്)

കാലത്തെ അതിജീവിച്ചവനായ മഹാദേവനെ ഇവിടെ ദ്വാദശ ജ്യോതിര്‍ലിംഗങ്ങളില്‍ ഒന്നായ മഹാകാലേശ്വരനായി ആരാധിക്കുന്നു. മഹാകാലനെ ശരണം പ്രാപിച്ചാല്‍ യാതൊരുവിധ ദുര്‍ശക്തികള്‍ക്കും നമ്മെ സ്പര്‍ശിക്കാനാവില്ല. ഇവിടുത്തെ അതിപ്രസിദ്ധമായ ‘ഭസ്മാരതി’ തൊഴുതാല്‍ സകല പാപങ്ങളും ദോഷങ്ങളും അകലുമെന്നാണ് സങ്കല്പം.

5. ശ്രീ കാളഹസ്തീശ്വര ക്ഷേത്രം (ആന്ധ്രാപ്രദേശ്)

‘ദക്ഷിണ കാശി’ എന്നറിയപ്പെടുന്ന ഈ മഹാക്ഷേത്രം രാഹു-കേതു ദോഷപരിഹാരങ്ങള്‍ക്ക് പേരുകേട്ടതാണ്. നവഗ്രഹ ദോഷങ്ങളും സര്‍പ്പശാപങ്ങളും കൂടോത്ര ദോഷങ്ങളും മറികടക്കാന്‍ ഭക്തര്‍ കൂടുതലായി ആശ്രയിക്കുന്ന ഒരു പ്രധാന ശക്തികേന്ദ്രമാണിത്.

6. തിരുനാഗേശ്വരം ക്ഷേത്രം (തമിഴ്നാട്)

നാഗനാഥ സ്വാമിയായി ശിവപെരുമാള്‍ കുടികൊള്ളുന്ന ഈ ക്ഷേത്രം ശാപമോക്ഷങ്ങള്‍ക്കും ഗ്രഹദോഷ പരിഹാരങ്ങള്‍ക്കും പ്രസിദ്ധമാണ്. രാഹുദോഷങ്ങളും സര്‍പ്പശാപങ്ങളും ആഭിചാരദോഷങ്ങളും അകറ്റാന്‍ നാഗനാഥ സ്വാമിക്ക് നടത്തുന്ന വഴിപാടുകള്‍ ഏറെ ഫലപ്രദമാണെന്ന് വിശ്വസിക്കപ്പെടുന്നു.