2026 ഫെബ്രുവരി: ഈ 3 രാശിക്കാര്ക്ക് ഇനി നല്ല നാളുകള്
ഇടവം (Taurus)
കഴിഞ്ഞ കുറെ നാളുകളായി അനുഭവപ്പെട്ട ഭാരവും സമ്മര്ദ്ദവും മാറി കാര്യങ്ങള് വീണ്ടും നിങ്ങളുടെ വരുതിയിലാകുന്ന മാസമാണിത്. എല്ലാം പെട്ടെന്ന് എളുപ്പമാകുമെന്നല്ല, മറിച്ച് കാര്യങ്ങള് പഴയത് പോലെ നിങ്ങളെ തളര്ത്തില്ല.
എവിടെയാണ് ശ്രദ്ധ കേന്ദ്രീകരിക്കേണ്ടതെന്നും എവിടെയാണ് ഊര്ജ്ജം പാഴാക്കരുതെന്നും നിങ്ങള്ക്ക് വ്യക്തമായ ധാരണ വരും. ജോലിസ്ഥലത്ത് തര്ക്കങ്ങള് കുറയുകയും കാര്യങ്ങള് തടസ്സമില്ലാതെ മുന്നോട്ട് നീങ്ങുകയും ചെയ്യും.
സാമ്പത്തിക കാര്യങ്ങളില് അച്ചടക്കം കൊണ്ടുവരാന് സാധിക്കും; പണം എവിടെയാണ് നിയന്ത്രിക്കേണ്ടതെന്ന് തിരിച്ചറിയുന്നത് തന്നെ നിങ്ങള്ക്ക് വലിയ ആശ്വാസം നല്കും. വ്യക്തിബന്ധങ്ങളില് അനാവശ്യമായ വാശി ഒഴിവാക്കുന്നത് സമാധാനം കൊണ്ടുവരും. കൃത്യമായ ആഹാരവും വിശ്രമവും ശീലമാക്കുന്നത് ആരോഗ്യത്തിന് ഗുണം ചെയ്യും. ചുരുക്കത്തില്, ഇടവം രാശിക്കാര്ക്ക് ജീവിതത്തില് ഒരല്പം സ്ഥിരതയും സമാധാനവും തിരികെ ലഭിക്കുന്ന മാസമാണിത്.
കര്ക്കടകം (Cancer)
ഈ ഫെബ്രുവരി കര്ക്കടക രാശിക്കാര്ക്ക് മാനസികമായി വലിയ ആശ്വാസം നല്കും. മാറ്റം പുറമെ പ്രകടമല്ലെങ്കിലും ഉള്ളില് നിങ്ങള്ക്ക് അത് അനുഭവപ്പെടും. അനാവശ്യമായ ചിന്തകളും സമ്മര്ദ്ദങ്ങളും നിങ്ങള് ഒഴിവാക്കും.
ജോലിസ്ഥലത്ത് ആശയവിനിമയം കൂടുതല് വ്യക്തമാകും; അനാവശ്യമായി ന്യായീകരിക്കേണ്ട സാഹചര്യം വരില്ല. ഇത് സഹപ്രവര്ത്തകരുമായുള്ള ബന്ധം മെച്ചപ്പെടുത്തും. വികാരങ്ങള്ക്ക് അടിപ്പെട്ട് പണം ചിലവാക്കുന്നത് കുറയുന്നതോടെ സാമ്പത്തിക സ്ഥിതി സാവധാനം മെച്ചപ്പെടും. കുടുംബബന്ധങ്ങളില് പഴയ തര്ക്കങ്ങളുടെ തീവ്രത കുറയും.
മനസ്സ് ശാന്തമാകുന്നതോടെ ഉറക്കവും ദഹനവും മെച്ചപ്പെടുകയും ആരോഗ്യം വീണ്ടെടുക്കുകയും ചെയ്യും. എല്ലാം മുറുകെ പിടിക്കുന്നതല്ല, മറിച്ച് വേണ്ടാത്തത് ഉപേക്ഷിക്കുന്നതാണ് യഥാര്ത്ഥ കരുത്തെന്ന പാഠം ഈ മാസം നിങ്ങള്ക്ക് നല്കും.
കന്നി (Virgo)
കന്നി രാശിക്കാര്ക്ക് ജീവിതത്തില് ചിട്ടയും അടുക്കും തിരികെ വരുന്ന മാസമാണിത്. മനസ്സിന്റെ ആശയക്കുഴപ്പങ്ങള് നീങ്ങുന്നത് തന്നെ നിങ്ങളുടെ കാര്യക്ഷമത വര്ദ്ധിപ്പിക്കും. സ്വയം വിമര്ശിക്കുന്നത് നിര്ത്തി കാര്യങ്ങള് ചെയ്തു തീര്ക്കുന്നതില് നിങ്ങള് ശ്രദ്ധ കേന്ദ്രീകരിക്കും.
പ്ലാനിംഗ്, അനാലിസിസ്, ഉപദേശക റോളുകള് എന്നിവയില് പ്രവര്ത്തിക്കുന്നവര്ക്ക് ഇത് മികച്ച മാസമാണ്. സാമ്പത്തിക കാര്യങ്ങളില് എടുത്തുചാട്ടം ഒഴിവാക്കി പ്രായോഗികമായി ചിന്തിക്കും. മറ്റുള്ളവരോടുള്ള സംസാരരീതിയില് വരുന്ന മാറ്റം ബന്ധങ്ങളെ കൂടുതല് ഊഷ്മളമാക്കും;
നിങ്ങള് കുറ്റപ്പെടുത്തുന്നതിന് പകരം കേള്ക്കാന് തയ്യാറാകും. കൃത്യമായ ദിനചര്യകള് പാലിക്കുന്നത് ആരോഗ്യത്തില്, പ്രത്യേകിച്ച് ദഹനം, ഉറക്കം എന്നിവയില് നല്ല മാറ്റങ്ങള് കൊണ്ടുവരും. ബഹളങ്ങളില്ലാതെ, വ്യക്തതയിലൂടെയും ചിട്ടയിലൂടെയും ആത്മവിശ്വാസം വീണ്ടെടുക്കുന്ന മാസമായിരിക്കും ഇത്.
