നഖം പറയും നിങ്ങളുടെ ഭാഗ്യം!
നഖങ്ങള്‍ എല്ലാവര്‍ക്കുമുണ്ടെങ്കിലും ഓരോരുത്തര്‍ക്കും പലവിധത്തിലാണവ. അര്‍ധചന്ദ്രാകൃതിയിലിരിക്കുന്ന നഖങ്ങള്‍ ലക്ഷണമൊത്തവയാണ്. ഇത്തരം നഖമുളളവര്‍ വാഗ്മിത്വം, കവിത്വം എന്നീഗുണങ്ങളെ കാണിക്കുന്നവരാണ്. സൂക്ഷ്മബുദ്ധി, തന്റേടം, ഫലിതപ്രിയം, ക്ഷിപ്രകോപം, അഭിമാനം, മുഖസ്തുതി പ്രിയം, പ്രശസ്തി എന്നിവയെല്ലാം ഇവര്‍ക്കുണ്ടാകും. ഓവല്‍ ആകൃതിയില്‍ നഖമുള്ളവര്‍ക്ക് കാര്യബോധം കൂടും. സംഗീതത്തില്‍ തല്‍പ്പരരായിരിക്കും ഇവര്‍. സമാധാന പ്രിയരായ ഇവര്‍ സരസരായിരിക്കും.
വിസ്താരമേറിയതും ലക്ഷണമൊത്തതുമായ വൃത്താകൃതിയില്‍ നഖമുളളവര്‍ ഭരണാധികാരികളായിരിക്കും. നീളത്തേക്കാള്‍ വീതിയേറിയ നഖമുള്ളവര്‍ ശുദ്ധരാണെങ്കിലും ദേഷ്യക്കാരായിരിക്കും. മുറിച്ചുകളയുന്ന നഖത്തിന്റെ ആകൃതിയില്‍ നഖമുള്ളത് ഗുണകരമല്ല. ഇവര്‍ കാര്യബോധമൊക്കെയുളളവരാണെങ്കിലും മറ്റുള്ളവരെ വിശ്വസിക്കാത്തവരാണ്. ദീര്‍ഘവൃത്താകൃതിയില്‍ നഖമുളളവര്‍ ഭാഗ്യവാന്‍മാരായിരിക്കും. എന്നാല്‍ ഇവര്‍ വീമ്പുപറയുന്നവരും അമിതസുഖം ആഗ്രഹിക്കുന്നവരുമാണ്.
പലകപോലെ നഖമുള്ളവര്‍ അധ്വാനികളാണ്. എന്നാല്‍, ഇവരില്‍ ദാരിദ്രവും മനോദുഖങ്ങളും വിട്ടൊഴിയില്ല. ഇവര്‍ വിഢിത്തരങ്ങള്‍ കാണിക്കുന്നവരും എളുപ്പത്തില്‍ കോപിക്കുന്നവരുമാണ്. പരന്ന നഖമുളളവര്‍ക്ക് സമ്പാദ്യമൊന്നുകാണില്ല. കറുത്ത് മുരടിച്ച നഖമുള്ളവര്‍ ദരിദ്രരരാണ്. ഇവര്‍ക്ക് ദേഹദുരിതവും തൊഴില്‍ നഷ്ടവും സംഭവിക്കാം. ചതഞ്ഞതും കീറിയിരിക്കുന്നതുമായ നഖമുള്ളവരുടെ ജീവിതത്തില്‍ ഉയര്‍ച്ചയോ നേട്ടങ്ങളോ ഉണ്ടാകില്ല. ഇവര്‍ സ്ത്രീകളോട് ഒരുതരം ഭ്രാന്ത് പുലര്‍ത്തുന്നു. നിരാശയും ദുരഭിമാനവുമാണ് ഇവരെ ഭരിക്കുന്നത്.
ഇളം ചുവപ്പ് നിറത്തില്‍ നഖമുള്ളവര്‍ സല്‍ഗുണങ്ങളും കുറച്ച് ദുര്‍ഗുണങ്ങളുമുള്ളവരായിരിക്കും. നഖത്തിന്റെ ശരിയായ നിറമുള്ള ഇളം ചുവപ്പുള്ളവര്‍ മാന്യമായ ജീവിതം നയിക്കുന്നവരാണ്. ചെമ്പ്‌നിറം അടിമത്തം ദാരിദ്രം ബുദ്ധിമുട്ട് എന്നിവയെ കാണിക്കുമ്പോള്‍ ചുവന്ന നിറം ഐശ്വര്യപ്രദമാണ്.
ചുവപ്പ് നിറത്തില്‍ലക്ഷണയുക്തമായ വലിയ വട്ട നഖങ്ങളുള്ളവര്‍ അത്യുന്നതി പ്രാപിക്കും. ചെറിയ നഖമുള്ളവര്‍ ഐശ്വര്യത്തെയും സ്വാതന്ത്യജീവിതത്തെയുമാണ് സൂചിപ്പിക്കുന്നത്. വെളുത്ത നിറമുള്ളവര്‍ പിശുക്കരും ദീര്‍ഘായുസുള്ളവരുമാണ്. മഞ്ഞനിറമുള്ളവര്‍ രോഗികളും നഖത്തിന്റെ കറുത്ത നിറം മന്ദത, വിഷയാസക്തി, ഭക്ഷണപ്രിയം, മനോദുരിതം,കടം, തൊഴില്‍നാശം എന്നിവയേയും സൂചിപ്പിക്കുന്നു.
